Рассадзін Сяргей Яўгенавіч

Беларускі гісторык, археолаг, крыніцазнавец, геральдыст; доктар гістарычных навук (1999), прафесар гісторыі (2009).

Біяграфія

Скончыў гісторыка-філалагічны факультэт Гомельскага дзяржаўнага ўніверсітэта (1981; гісторык, выкладчык гісторыі і грамадазнаўства). Навучаўся ў аспірантуры Інстытута гісторыі Акадэміі навук (АН) БССР (1981 — 1984). На фарміраванне гістарычнага светапогляду найбольшы ўплыў аказалі Х. Артэга-і-Гасет, Л. Н. Гумілёў, Э. М. Загарульскі, Г. Косіна, А. Р. Мітрафанаў, В. І. Сычоў.

У 1990 г. абараніў кандыдацкую дысертацыю «Мілаградская культура (актуальные праблемы даследавання)», навуковы кіраўнік — прафесар Л. Д. Побаль. У 1999 г. абараніў доктарскую дысертацыю «Плямёны і народы „заскіфскай“ Поўначы і Паўночнага Усходу». Дацэнт (2005). Прафесар (2009). Малодшы навуковы супрацоўнік, навуковы супрацоўнік, старшы навуковы супрацоўнік Інстытута гісторыі АН БССР; галоўны спецыяліст, начальнік аддзела Камітэта па архівах і справаводстве пры Савеце Міністраў Рэспублікі Беларусь.

З 2002 г. — прафесар кафедры гісторыі Беларусі і паліталогіі факультэта інфармацыйных тэхналогій Беларускага дзяржаўнага тэхналагічнага ўніверсітэта. Член Геральдычнага савета пры Прэзідэнце Рэспублікі Беларусь (2002 — 2012). Стыпендыят Германскага археалагічнага інстытута (2007). Навуковыя інтарэсы: археалогія; старажытная, сярэдневяковая, новая гісторыя; геральдыка. Арганізаваў і ўзначальваў Лаўрышаўскія археалагічныя экспедыцыі. Аўтар больш чым 300 прац.

Кнігі

• Землі амаль невядомыя: Будучая Беларусь паводле антычных манускрыптаў. — Мн.: Полымя, 1996. — ISBN 5-345-00758-6
• Племена и народы «заскифского» Северо-Востока. Мн., 1999. (руск.)
• Северные соседи Великой Скифии. Мн., 2005. (руск.)
• Милоградская культура: ареал, хронология, этнос. Мн., 2005. (руск.)
• Гербы і сцягі гарадоў і раёнаў Беларусі. Мн., 2005. (У суаўтарстве з А. Н. Міхальчанкам).
• Духоўная культура старажытнай Беларусі. Мн., 2005.
• Первые славяне. Славяногенез. Мн., 2008. (руск.)
• Гнездо двуглавого орла. Мн., 2008. (руск.)
• Князья, графы и бароны в Беларуси (конец XVIII — начало ХХ в.): история титулов в биографо-личностном аспекте. Мн., 2010. ISBN 978-985-511-336-3. (руск.)