Канапелька Ала Іванаўна

14 лютага 1960г - 24 жніўня 2015г

Гомельская вобласць, Хойніцкі раён, Небытаў

Руск. Конопелько Алла Ивановна

Беларуская паэтэса і перакладчыца.

Біяграфія

Нарадзілася ў сялянскай сям’і. У 1978 г. скончыла Лоеўскае педагагічнае вучылішча і паступіла на філалагічны факультэт БДУ. Пасля заканчэння ўніверсітэта (1983) працавала метадыстам, з 1988 г. — загадчыкам сектара метадычнай працы Дома літаратара СП БССР. З 1990 г. — загадчык арганізацыйна-прапагандысцкага аддзела Беларускага фонду культуры. Працавала ў часопісе «Полымя», галоўным рэдактарам часопіса «Крыніца» (?-2002), намеснікам галоўнага рэдактара ў часопісе «Вестник Беларусбанка».

Член Саюза пісьменнікаў СССР з 1985 г.

У рэспубліканскім друку выступіла ў 1977 г. (часопіс «Маладосць»). Аўтар паэтычных зборнікаў «Цвет алешыны» (1985) і «Летазлічэнне» (1999). Перакладала творы ўкраінскіх, курдскіх, малдаўскіх, балгарскіх паэтаў. Таксама пераклала выбраныя казкі з цыклу «Тысяча і адна ноч».

Памерла ў Мінску 24 жніўня 2015 г. Пахавана на гарадскіх могілках у Смалявічах.

Калі вы заўважылі памылку ў тэксце, калі ласка, вылучыце яе і націсніце Ctrl+Enter

Іншыя дзеячы

Багдановіч Максім Адамавіч

Літаратуразнавец, Паэт, Публіцыст

Беларускі паэт, публіцыст, літаратурны крытык, перакладчык, літаратуразнавец; класік беларускай літаратуры, адзін са стваральнікаў беларускай літаратуры і сучаснай літаратурнай беларускай мовы. Яго спадчына ўвайшла ў залаты фонд беларускай культуры.

Чытаць далей

Юзюк Фарботка

Літаратуразнавец, Паэт

Беларускі паэт, літаратуразнавец, перакладчык, удзельнік грамадска-палітычнага руху Беларусі пачатку ХХ стагоддзя. Першыя вершы надрукаваў у Нашай Ніве ў 1912 годзе — «Зацьменне» і «Зруйнаваў». Пераклаў урывак «Пана Тадэвуша» на беларускую мову.

Чытаць далей

Ягоўдзік Уладзімір Іванавіч

Дзіцячы пісьменнік, Драматург, Пісьменнік, Паэт

Беларускі празаік, драматург. Лаўрэат Літаратурнай прэміі Янкі Маўра. Напісаў для дзяцей п'есы, што ставіліся ў тэатрах краіны, на Беларускім радыё і тэлебачанні. Выступае ў перыядычным друку як літаратурны крытык. Выдаў кнігі прозы.

Чытаць далей

Сяргей Новік-Пяюн

Драматург, Паэт, Празаік

Беларускі паэт, празаік. Пісаў на беларускай, рускай, польскай мовах і на эсперанта. З 60-х выступаў у рэспубліканскім друку. Некаторыя песні на словы Новік-Пяюна лічацца народнымі, найбольш вядомыя з іх «Зорачкі» і «Над Шчарай» («Слонімскі вальс»).

Чытаць далей

Іпатава Вольга Міхайлаўна

Пісьменнік, Паэт

Беларуская пісьменніца, перакладчыца, грамадскі дзеяч. Аўтар зборнікаў вершаў «Раніца», «Крыло», зборнікаў аповесцей і апавяданняў. Творы Вольгі Іпатавай пераведзены на рускую, англійскую, нямецкую мовы. Выступае ў друку з крытычнымі артыкуламі.

Чытаць далей