Беларускі паэт, перакладчык, філолаг.
Біяграфія
Навучаўся ў школе № 113, потым у школе № 162. Скончыў філалагічны факультэт БДУ (1995) і аспірантуру БДУ па спецыяльнасці замежная літаратура (1999). Выкладае ў БДУ гісторыю французскай літаратуры. Выкладаў у Беларускім гуманітарным ліцэі імя Якуба Коласа. Вядзе заняткі ў «Перакладчыцкай Майстэрні» пры Беларускім ПЭН-цэнтры і ў Школе маладога літаратара пры Саюзе беларускіх пісьменнікаў. Сябра Саюза беларускіх пісьменнікаў і Беларускага ПЭН-цэнтра. З 10 снежня 2008 да 5 лістапада 2017 года узначальваў Беларускі ПЭН-цэнтр, цяпер — сябра рады арганізацыі.
Творчасць
Друкуецца ў часопісах «Arche», «Дзеяслоў», газеце «Наша Ніва». Ягоныя вершы перакладаліся на рускую, польскую, англійскую, латышскую, літоўскую, нямецкую, славацкую, украінскую мовы.
Перакладае на беларускую мову з англійскай, польскай, рускай, украінскай, французскай. Піша вершы, лімерыкі.
Ацэнкі
Па меркаванні крытыкаў, паэзія Андрэя Хадановіча — прыкметная з’ява сучаснай беларускай літаратуры, у яго творчасці, якая адрозніваецца багаццем і разнастайнасцю мовы, стылістычнымі эксперыментамі, дасягненні ўсходнееўрапейскай «кніжнай» паэзіі спалучаюцца з элементамі «нізавой» культуры (рок, рэп, гарадское прастамоўе).
Прызнанне
- Лаўрэат прэміі «Залаты апостраф» (2007)
- Лаўрэат прэміі «Залатая літара» (2004, 2013)
- Кніга году (2015, за кнігу «Нататкі таткі»)
- «Крышталь Віленіцы» (Славенія, 2008)
- Лаўрэат прэміі імя Збігнева Даміняка (Польшча, 2012)
- Лаўрэат прэміі Польскага ПЭН-клуба (2015)
- Лаўрэат прэміі імя Карласа Шэрмана (2017, за пераклад зборніка вершаў Шарля Бадлера)
- Лаўрэат прэміі імя Наталлі Арсенневай (2020, за кнігу «Школа травы»)
- Лаўрэат польскай прэміі Ежы Гедройца ад газеты «Rzeczpospolita» (прысуджаецца за «паглыбленне дыялогу між народамі Цэнтральнай і Усходняй Еўропы»).
Бібліяграфія ўласных кніг
- «Листи з-під ковдри» (Кіеў: Факт, 2002)
- «Старыя вершы» (Мінск: Логвінаў, 2003)
- «Лісты з-пад коўдры» (Мінск: Логвінаў, 2004)
- «Землякі, альбо Беларускія лімэрыкі» (Мінск: Логвінаў, 2005)
- «From Belarus with Love» (Кіеў: Факт, 2005)
- «Сто лі100ў на tut.by» (Мінск: Выдавецтва «Наша Ніва», 2007)
- «Święta nowego rocku» (Уроцлаў: Kolegium Europy Wschodniej, 2006)
- «Бэрлібры» (Мінск: Логвінаў, 2008)
- «Несымэтрычныя сны» (Мінск: Логвінаў, 2010)
- «Дэжа вю: перавыбранае» (Мінск, Логвінаў, 2013)
- Кніга вершаў для дзяцей «Нататкі таткі» (Мінск, Медыял, 2015).
- «Цягнік Чыкага-Токіё» (Мінск, Логвінаў, 2016),
- «Школа травы» (Мінск, Кнігазбор, 2019)
Калі вы заўважылі памылку ў тэксце, калі ласка, вылучыце яе і націсніце Ctrl+Enter
