Беларускі паэт, перакладчык, эсэіст.
Біяграфія
У 1994—1998 гадах вучыўся ў МДЛУ. З 1998 года жыве ў Чэхіі паблізу Прагі.
Творчасць
Цікавіцца тэорыяй інтэрпрэтацыі, філасофіяй мастацтва, адносінамі паміж культурай і палітыкай.
Аўтар п'есы «Смерць тырана» (Мн., 1997), зборнікаў вершаў «Амфітэатр» (Прага-Гданьск, 1999), «Ранні збор» (Стакгольм, 2006), кнігі прозы «Завяршыць гештальт» (Цярнопаль, 2015), шэрагу літаратуразнаўчых эсэ. Вершы М. Шчура друкаваліся ў чэшскіх, шведскіх і польскіх перакладах.
Заснавальнік інтэрнэт-часопіса niamiesta.se, дзе публікуе найперш уласныя тэксты і пераклады замежных аўтараў на беларускую.
Перакладае з чэшскай — Ф. Гелнер, Л. Кліма, Б. Рэйнек, іспанскай — Ф. дэ Кеведа, Х. Л. Борхес, Ф. Гарсія-Лорка, англійскай — Л. Кэрал (абедзве часткі «Алісіяны»), Э. Лір («Кніга бязглузду»). Паслядоўны перакладчык англійскай літаратуры абсурду.
Прызнанне
- Лаўрэат Прэміі імя Я. Юхнаўца (2004) за раман «Там дзе нас няма» (неапублікаваны)
- Лаўрэат Premio Iberoamericano (2003)
- Лаўрэат Прэміі імя Гедройца (2016) за «Завяршыць гештальт»
Спампаваць кнігі
Ліст, знойдзены на папялішчы
Калі вы заўважылі памылку ў тэксце, калі ласка, вылучыце яе і націсніце Ctrl+Enter
