Спірыдонаў Міхаіл Фёдаравіч

10 красавіка 1937г - 6 ліпеня 2017г

Магілёўская вобласць, Бабруйскі раён, Бабруйск

Руск. Спиридонов Михаил Фёдорович

Беларускі гісторык. Кандыдат гістарычных навук (1982).

У 1960 годзе скончыў Маскоўскі дзяржаўны ўніверсітэт. З 1960 года працаваў настаўнікам. З 1965 года ў Інстытуце гісторыі НАН Беларусі.

Навуковая дзейнасць

Кірункі навуковай дзейнасці: сацыяльна-эканамічнае развіццё і гістарычная геаграфія Беларусі XV—XVI стст. Аўтар кніг «Закрепощение крестьянства Беларуси (ХV—ХVI вв.)» (Мінск, 1993), «Заславль в XVI в.» (Мінск, 1998). Апублікаваў шмат карт з агульнай тэматыкай, звязанай з адлюстраваннем беларускіх зямель у другой палове XVI ст. Найбольш вядомая картаграфічная праца: «Беларусь у другой палове XVI ст. 1 : 1 500 000» (Нацыянальны атлас Беларусі. Мінск, 2002). Курыраваў падрыхтоўкай раздзела «Гісторыя» ў «Нацыянальным атласе Беларусі» (Мінск, 2002). Адзін з аўтараў выданняў «Гісторыя сялянства СССР са старажытнейшых часоў да Вялікай Кастрычніцкай рэвалюцыі», «Нарысы гісторыі Беларусі», «Гісторыя сялянства Беларусі».

Калі вы заўважылі памылку ў тэксце, калі ласка, вылучыце яе і націсніце Ctrl+Enter

Іншыя дзеячы

Арлоў Уладзімір Аляксеевіч

Гісторык, Пісьменнік, Паэт, Празаік

Беларускі празаік, паэт, гісторык. Вядомасць прынесла проза, творы гістарычнай тэматыкі. Аўтар шматлікіх кніг прозы, паэзіі, гістарычных нарысаў і эсэ. Аўтар сцэнарыяў навукова-дакументальных фільмаў «Еўфрасіння Полацкая», «Полацкія лабірынты».

Чытаць далей

Варонін Васіль Аляксеевіч

Археолаг, Гісторык

Беларускі гісторык-медыевіст. Кірункі навуковай дзейнасці: гісторыя Беларусі эпохі Вялікага Княства Літоўскага (13-16 стст.). Займаецца археаграфічнай дзейнасцю. Аўтар шэрагу артыкулаў, рэцэнзій, тэзісаў. Чытае курсы гісторыі Беларусі.

Чытаць далей

Рассадзін Сяргей Яўгенавіч

Археолаг, Геральдыст, Гісторык

Беларускі гісторык, археолаг, крыніцазнавец, геральдыст. Навуковыя інтарэсы: археалогія; старажытная, сярэдневяковая, новая гісторыя; геральдыка. Арганізаваў і ўзначальваў Лаўрышаўскія археалагічныя экспедыцыі. Аўтар больш чым 300 прац.

Чытаць далей

Насевіч Вячаслаў Леанідавіч

Гісторык

Беларускі гісторык, кандыдат гістарычных навук. Асноўныя кірункі навуковай дзейнасці: гісторыя Беларусі ў перыяд феадалізму, найперш праблема ўтварэння і тэрытарыяльнага фарміравання Вялікага Княства Літоўскага. Аўтар каля 350 прац.

Чытаць далей

Ермаловіч Мікола Іванавіч

Гісторык, Літаратуразнавец, Пісьменнік, Публіцыст

Беларускі гісторык, публіцыст, крытык і літаратуразнаўца. Заснавальнік новай беларускай рамантычнай гістарыяграфіі, аўтар і выдавец непадцэнзурных тэкстаў 1960—1980-х гадоў. Працы ў значнай ступені паўплывалі на фармаванне сучаснай грамадскай думкі.

Чытаць далей