Гаўрыленка Павел Нічыпаравіч

15 лютага 1902г - 4 лютага 1961г

Гомельская вобласць, Гомельскі раён, Касцюкоўка

Руск. Гавриленко Павел Никифорович

Беларускі жывапісец.

Біяграфія

Скончыў Віцебскі мастацкі тэхнікум, дзе вучыўся ў В. Руцая, М. Эндэ, Ф. Фогта, у 1930 годзе. Удзельнік Вялікай Айчыннай вайны. Адзін з арганізатараў моладзевага аб’яднання Асацыяцыі мастакоў рэвалюцыі ў Віцебску (1928—1930).

У 1933—1936 гадах старшыня аргкамітэта, у 1956—1961 гадах старшыня Саюза мастакоў БССР.

Дэпутат Вярхоўнага Савета БССР у 1951—1955 гадах.

Творчасць

Аўтар твораў пра гісторыка-рэвалюцыйныя падзеі, працоўныя будні горада і вёскі, подзвігах беларускіх партызан, а таксама партрэтаў і пейзажаў («Калгасная брыгада», 1931; «Прарыў нямецкай абароны», 1942; «Партрэт хлопчыка-партызана», 1943; «Партызаны ў Палессі», 1944; «На партызанскім аэрадроме», 1950; «Ідзе эшалон», 1957; «Вясна», 1958; «На рыштаваннях», 1960).

Памяць

У 2002 годзе Белпошта быў выпусціла памятны канверт да 100-годдзя Паўла Гаўрыленкі — яго партрэт на фоне майстэрні. Аўтар канверта — мастак А. Федзін. Тыраж — 100 000 асобнікаў.

Калі вы заўважылі памылку ў тэксце, калі ласка, вылучыце яе і націсніце Ctrl+Enter

Іншыя дзеячы

Ісачоў Аляксандр Анатолевіч

Графік, Мастак

Беларускі жывапісец, графік. Стварыў большую частку сваёй мастацкай спадчыны ў Рэчыцы. Пісаў іконы для Рэчыцкай царквы, выканаў роспіс сцен храма ў Мазыры. Стварыў каля 500 карцін, большасць з якіх былі вывезены за мяжу ў Швецыю, Германію, Францыю.

Чытаць далей

Валянцін Ваньковіч

Жывапісец, Мастак

Мастак рамантычнага кірунку, аўтар вядомага партрэта «Міцкевіч на скале Аю-Даг». Творчасць звязана з мастацкім жыццём Беларусі і Расіі. Аўтар партрэтаў Міцкевіча, Гарэцкага, Шыманоўскай. Сярод работ літаграфіі «Аўтапартрэт», «Галава старога».

Чытаць далей

Мікола Купава

Акварэліст, Графік, Жывапісец, Мастак

Сучасны беларускі мастак. Працуе ў галіне кніжнай і станковай графікі, акварэлі, жывапісу. Быў мастацкім рэдактарам часопіса «Маладосць». Удзельнічаў у стварэнні эталона дзяржаўнага герба «Пагоня» і сцяга Рэспублікі Беларусь.

Чытаць далей

Казімір Альхімовіч

Жывапісец, Мастак

Беларускі мастак. Малюе карціны на гістарычную і міфалагічную тэматыку, пейзажы Літвы і Татраў. Ствараў карціны на тэмы беларускай, польскай і літоўскай гісторыі. Захапляўся роспісам фарфору і фаянсу, а таксама разьбой па дрэве.

Чытаць далей

Цыбульскі Міхаіл Леанідавіч

Жывапісец, Мастацтвазнавец, Мастак

Беларускі мастацтвазнавец, жывапісец. Даследуе праблемы тэорыі і гісторыі мастацтва, паэтыку і стылістыку беларускага мастацтва. Аўтар раздзелаў у «Гісторыі беларускага мастацтва».

Чытаць далей