Паўловіч Альберт Францавіч

11 лістапада 1875г - 17 сакавіка 1951г

Руск. Павлович Альберт Францевич

Беларускі паэт-гумарыст, драматург.

Біяграфія

Скончыў 4-класнае гарадское вучылішча ў Мінску (1894). Працаваў ва ўпраўленні Лібава-Роменскай чыгункі. Жыў у Мінску. 3 1932 года ў Маскве, на Урале, з 1945 года ў Курску.

Літаратурную дзейнасць пачаў у канцы ХІХ стагоддзя, у беларускім друку выступіў у 1907 годзе (газета «Наша ніва»). Друкаваўся ў альманаху «Маладая Беларусь», часопісе «Лучынка» і інш. Выдаў зборнік вершаў «Снапок» (1910), драму «Васількі» (1919). У лірычных вершах гучалі патрыятычныя матывы. Творчасць А. Паўловіча цесна звязана з фальклорам. Найбольш вядомымі і папулярнымі былі яго вершаваныя гумарыстычныя апавяданні, жартоўныя сцэнкі, пераказы беларускіх народных анекдотаў («Пан і акуляры», «Ракі», «Шчодрая ахвяра», «Маладая гаспадынька» і інш.). Аўтар артыкулаў «Забытае» (да гісторыі тэксту «Гутаркі Данілы са Сцяпанам», 1925), «Сялянка» В. Дуніна-Марцінкевіча на мінскай сцэне» (1929). На беларускую мову перакладаў творы А. Пушкіна, Т. Шаўчэнкі, М. Канапніцкай, У. Сыракомлі. Займаўся жывапісам, вышываў дываны.

Выбраная бібліяграфія

Выбранае. Мн., 1975.

Калі вы заўважылі памылку ў тэксце, калі ласка, вылучыце яе і націсніце Ctrl+Enter

Іншыя дзеячы

Алесь Бачыла

Пісьменнік, Паэт, Празаік

Беларускі паэт, драматург, перакладчык. Аўтар зборнікаў паэзіі, паэмы «Асенняя аповесць». Многія яго вершы пакладзены на музыку. Аўтар лібрэта опер «Яснае світанне», «Калючая ружа» і аперэты «Паўлінка». Пісаў сатырычныя творы і творы для дзяцей.

Чытаць далей

Навуменка Іван Якаўлевіч

Дзіцячы пісьменнік, Драматург, Літаратуразнавец, Пісьменнік, Празаік

Беларускі пісьменнік і літаратуразнавец. Даследаваў творчасць Я. Купалы, Я. Коласа і інш. Аўтар кніг апавяданняў, аповесцей «Сямнаццатай вясной», «Бульба», «Сорак трэці», аповесці для дзяцей. Выйшла больш за 80 выданняў мастацкай прозы.

Чытаць далей

Мартысевіч Марыя Аляксандраўна

Пісьменнік, Паэт

Беларуская перакладчыца, паэтка, эсэістка, літаратуразнавец. Артыкулы на культурніцкую тэматыку, а таксама кніжныя рэцэнзіі друкаваліся ў часопісах. За публіцыстыку атрымала прэміі «Вольнае слова». Рэдактарка кніжнай серыі «Амерыканка».

Чытаць далей

Сыс Анатоль Ціханавіч

Паэт

Беларускі паэт. Разам з А.Бяляцкім і інш. стварыў Таварыства маладых літаратараў «Тутэйшыя». Культавы беларускі паэт канца ХХ ст. Яго паэзія, грамадзянянская і творчая пазіцыя аказалі вялікі ўплыў на тагачаснае пакаленне беларускіх паэтаў.

Чытаць далей

Буслаева Вераніка Аляксандраўна

Акцёр, Драматург, Рэжысёр

Беларуская тэатральная актрыса, тэатральны рэжысёр і драматург. Рэжысёрскім дэбютам стаў спектакль «Усе мышы любяць цырк», пастаўлены ў Рэспубліканскім тэатры беларускай драматургіі. Выкладала сцэнічную мову у школе № 27 Мінска з тэатральным ухілам.

Чытаць далей