Беларускі гісторык, доктар гістарычных навук, прафесар.
Біяграфія
У 1972 годзе скончыў гістарычны факультэт Беларускага дзяржаўнага ўніверсітэта, у 1977 годзе абараніў кандыдацкую дысертацыю на тэму «Сацыяльна-эканамічнае развіццё Мінска ў канцы XIX — пачатку XX ст. (90-я гг. XIX ст. − 1914 г.)», у 1998 годзе абараніў доктарскую дысертацыю. У 2003 годзе атрымаў званне прафесара.
Працаваў настаўнікам гісторыі (1972—1974), навуковым супрацоўнікам у Інстытуце гісторыі АН БССР (1974—1991), загадчыкам аддзела беларусазнаўства Нацыянальнага навукова-асветніцкага цэнтра імя Ф. Скарыны (1991—1998). У 1999 — дырэктар Нацыянальнага музея гісторыі і культуры Беларусі.
З 2000 да 2012 года працаваў прафесарам кафедры эканамічнай гісторыі Беларускага дзяржаўнага эканамічнага ўніверсітэта. З верасня 2001 па верасень 2002 па сумяшчальніцтве выконваў абавязкі галоўнага рэдактара часопіса «Спадчына».
У чэрвені 2012 года з’ехаў на сталае жыццё ў Ізраіль.
Сфера навуковых цікавасцяў
Даследуе Мінск 2-й паловы ХІХ — пачатка ХХ ст., гарады Беларусі 1861—1904 гадоў, беларускі нацыянальны рух ХІХ-ХХ ст.
Мае больш за 200 навуковых публікацый.
Праца па гісторыі Беларусі ХІХ-ХХ ст. адзначана прэміяй польскага часопіса «Przegląd Wschodni» за 2001 год і прэміяй імя Францішка Багушэвіча Беларускага ПЭН-цэнтра за 2003 год.
Член Міжнароднай асацыяцыі беларусістаў і Беларускага гістарычнага таварыства.
Узнагароды
- Медаль 100 гадоў БНР Рады Беларускай Народнай Рэспублікі.
Манаграфіі
- Минск в конце ХІХ — начале ХХ в. Очерк социально-экономического развития. Мн., 1985. С.136.
- Мінск. Старонкi жыцця дарэвалюцыйнага горада. 2-е выданне. Мн., 1994. С.341. У суаўтарстве з С.Шыбека.
- Гарады Беларусі (60-я гады ХIХ-пачатак ХХ стагоддзяў). Мн., 1997. С.320.
- Historia Białorusi. 1795—2000. Lublin, 2002. S.571.
- Нарыс гісторыі Беларусі. 1795—2002. Мінск, 2003. С.490.
- Dějiny Běloruska. Praha, 2006 (на чэшскай мове, у суаўтарстве з Генадзем Сагановічам). С.400
- Минскъ сто гадоў таму. Мінск, 2007. С.304.
- Гарадская цывілізацыя: Беларусь і свет. Курс лекцый. Вільня, 2009. С.372.
Калі вы заўважылі памылку ў тэксце, калі ласка, вылучыце яе і націсніце Ctrl+Enter
